DAVAO CITY – Doble karon ang gipatuman nga seguridad sa Davao region human nga makumpirma nga usa sa taga-Davao region ang nagpositibo sa Covid-19 ug kasamtangan nga naka-confine sa Department of Health Davao Center for Health Development (DOH-DCHD).
Una ng nasayran nga ang 21 anyos nga si PH130 nga taga Davao de Oro ang gikan sa United Kingdom diin nakumpirma sa laboratory results niini sa Research Institute of Tropical Medicine (RITM) nga positibo kini sa maong virus.
Gikan ang nahisgutan sa United Kingdom ug nag-lay over via Doha, Qatar paingon Manila dayon Davao kaniadtong Pebrero 29, 2020.
Gikanayong nagpa-check up kini tungod sa iyang ubo hangtud nga gipailalom sa isolation kaniadtong Marso 9, 2020.
Samtang gipasalig karon sa DOH-DCHD sa publiko nga himuon nila ang mga lakang aron lamang malikayan ang local transmission sa virus.
Tungod niini, nagpatuman karon ug partial lockdown ang syudad sa Tagum ug Davao aron masiguro nga dili mokatag ang virus sa pipila ka lugar sa Davao region.
