DAVAO CITY – Mikabat sa 340 ka mga barangay sa rehiyon ang nadeklara karon isip drug-free sukad 2017 hangtud ning kasamtangan nga tuig.
Sumala pa kang Philippine Drug Enforcement Agency (PDEA) XI spokesperson Nephi Noli Dimaandal gideklara nila ang 17 ka mga barangay sulod karong 2020 diin dugang kini sa 323 ka mga barangay nga una ng na-cleared sukad 2017 hangtud na sa 2019.
Duruha sa 17 ka mga barangay ang gikan sa dakbayan sa Davao.
Nasayran nga dinhi sa Southern Mindanao adunay kapin 1,100 barangays.
Ideklara sumala pa ang usa ka barangay kung wala na kini bisan usan man nga illegal drug activities, adunay aktibo nga involvement ang mga opisyal sa barangay ingon man Sangguniang Kabataansa anti-drug activities sa barangay, ingon man adunay mga drug awareness programs ingon man voluntary ug compulsory drug treatment ingon man rehabilitation processing desks.
Gikanayong ang oversight committee maoy mohimo berepikasyon diin hatagan ang concerned barangay ug 30 ka adlaw aron nga mohimo ug tukma nga aksiyon.
Sa higayon nga mapakyas kini nga ideklara ang concerned barangay isip ‘drug-affected’, subli kini nga ipailalom sa drug-clearing operations.
