DAVAO CITY – Isip kabahin sa pagsaulog sa Fire Prevention month karung bulan sa Marso, adunay tambag sa publiko si SFO3 Ramil Gillado, Investigation chief sa Bureau of Fire Protection (BFP) -11.
Usa sa mga tips nga gihatag sa opisyal ang adunay kalabutan sa mga LPG nga sagad mag-leak hinungdan nga kung masinatian ang susama nga insidente, dili sumala pa angayan nga magpanic inay nga ibton gilayon ang tubo niini ug dad-on sa abli nga lugar.
Likayan sab sumala pa ang paggamit ug electric fan kung masimhotan nga adunay leaking ang LPG sanglit nagpasabot kini nga adunay presensiya sa gas sulod sa inyong panimalay nga posibleng hinungdan sa pagbusikad.
Mas maayong himuon sumala pa mao ang pag-abli sa mga bintana aron nga makagawas ang gas ug likayan sab ang pagsindi panahon nga adunay masimhotan nga gas sa palibot nga mamahimong hinungdan sa sunog.
Kahinumduman nga kanunay ang pagpahigayon ug mga programa sa BFP panahon sa bulan sa Marso kini human nga taas ang kaso sa sunog nga matala sa dakbayan.
