DAVAO CITY – Nagpahayag sa iyang pagtimbaya si Davao City Mayor Inday Sara Duterte Carpio dungan sa pagsaulog sa ika 83 ka tuig nga kasaulogan sa Araw ng Dabaw.
Gikanayon niini nga ang pag-uswag sa syudad wala lamang gisukod sa kalambuan sa mga komunidad apan sa panaghiusa, panag-uban, ug pagkamatinud-anon sa matag usa maoy nagdala sa mga Dabawenyo bisan asa man kini sa kalibutan.
Dugang pa sa mayor nga samtang atong gisaulog ang ika-83 nga anibersaryo nga makugnaan sa lungsod, angayan nga mohatag sumala pa kita og pasidungog sa atong mga katigulangan kinsa pinaagi sa ilang mga sakripisyo ug paningkamot, namugna ang Dabaw isip mabungahong lungsod sa kasamtangan.
Dili sumala pa kalimtan ang ilang mga nahimong dakong kontribusyon pinaagi sa pagpabilin nga panaghiusa ug pagkama-unungon sa pag-atubang sa bisan unsang hagit sa umaabot nga mga panahon.
Pinaagi sa disiplina, integridad ug kahanas, buhaton sumala pa nato ang tanan alang sa paghulma sa Dakbayan sa Dabaw nga andam alang sa mga hagit sa umaabut, nasayod sa mga kinahanglanon sa kasamtagan, ug pabiling naka-angkla sa mga batasan ug tradisyon sa atong mga nagkadaiyang kultura.
