Gipasalig sa Davao City Water District (DCWD) ngadto sa ilang mga konsumante nga walay ipatuman nga pag-usbaw sa bayrunon sa tubig matag bulan samtang nagpadayon sa bulk water supply project niini.
Gikanayon ni Atty. Bernard Delima, ang spokesperson sa DCWD gilauman nga mahuman na sunod nga tuig ang nahisgutang proyekto nga gipangunahan sa Apo Agua Infrastractura Incorporated nga nagkantidad ug kapin 12 billion pesos ug mamahimo na sumala pang hingpit nga mag-operate sa tuig 2022.
Gilauman nga pinaagi sa nahisgutang proyekto matubag na ang problema sa kakulangon ug supply sa tubig sa nagkadaghang mga konsumante sa DCWD.
Kini gumikan kay 345 million nga litro sa tubig ang mahatag niini matag adlaw.
Sa kasamtangan, 70% sa kinatibuk-an sa syudad sa dabaw ang gina-suplayan ug tubig sa DCWD ug giangkon ni Delima nga nalisdan sila sa pag-supply sa ubang area ilabi na niadtong mga naa sa tumang kalayo ug hilit nga mga dapit.
