DAVAO CITY – Mas gipahugtan pa karon sa ahensiya sa Department of Education (DepED) 11 ang mga lakang aron nga mapugngan ang pagkuyanap sa Coronavirus Disease (Covid-19) ngadto sa mga tulonghaan.
Sumala pa kang DepEd spokesperson Jenielito Atillo, mamahimo sumala pa nga suspendihon ang klase sa mga tulonghaan sa higayon nga aduna na matud pay community level transmission sa maong balatian kini aron nga mapugngan pa ang pagkatag niini ug mapanalipdan ang mga estudyante ug magtutudlo.
Una ng gibutyag sa opisyal nga usa sa ilang gihimong lakang karon mao ang pagsuspende una sa mga aktibidad sa DepEd ug sa mga tulonghaan kini aron masiguro ang kaluwasan sa mga estudyante.
Sa kasamtangan, wala pay natala nga tulonghaan ang DepEd sa Davao region nga nagsuspende sa ilang klase tungod lamang sa Covid-19.