DAVAO CITY- Daghanang mga pasyente sa Davao region nga person under investigation (PUIs) ang nagnegatibo sa coronavirus disease 2019 (Covid-19) hinungdan nga miubos na ang ihap niini ngadto sa 12.
Kini ang gibutyag sa Covid 19 tracker sa Department of Health (DOH).
Sa milabay nga Biyernes, natala sa ahensiya ang pag-ubos sa ihap sa mga PUI diin ang nahibilin nga tulo ka mga pasyente sa Davao region ang anaa sa isolation facility sa duruha ka state-run hospitals sa rehiyon gumikan kay naka-ong-ong pa ang ilang resulta sa Research Institute for Tropical Medicine (RITM).
Sa milabay nga Pebrero 13, 15 ka mga pasyente ang natala apan miubos kini sa misunod nga adlaw gumikan kay na-discharged na ang pipila ka mga pasyente human nga nag-nagetibo sa maong virus.
Sa tibuok Mindanao, adunay walo ka mga PUIs ang naka-admit sa nagkadaiyang hospitals. Tulo niini ang sa Davao Region, tulo sa Northern Mindanao, usa sa Caraga, ug usa sa Soccsksargen.
