DAVAO CITY – Nanawagan si Atty. Katrina Estares, OIC-head sa Securities Exchange Commission (SEC) Davao ngadto sa mga nanag-iya og korporasyon nga dili na hulaton ang deadline sa pagduso sa ilang annual financial report aron nga dili mapahamtangan og multa.
Sumala pa kang Atty. Estares, ang mga korporasyon nga adunay 1 ug 2 nga last digit sa ilang SEC registration number ang naka-schedule sa pagsumite sa ilang annual report sa Abril 20, 21 22, 23 ug 24.
Samtang kadtong 3 ug 4 ang ulahing SEC registration number sa korporasyon ang naka-schedule sa Abril 27, 28, 29 ug 30.
Sa mga korporasyon nga adunay 5 ug 6 nga last digit sa ilang Sec registration number ang naka-schedule sa May 4, 5, 6, 7 ug 8.
Naka-schedule usab ang mga korporasyon nga natapos sa 7 ug 8 ang ilang SEC registration number sa Mayo 11, 12, 13 , 14 ug 15.
Sa mga korporasyon nga adunay 9 ug 0 sa ulahing numero sa ilang SEC registration, kinahanglan nga moadto kini sa buhatan sa SEC sa Mayo 18, 19, 20, 21 ug 22.
Gitambagan sa ahensiya ang mga korporasyon nga aron aron malikayan ang paghuot sa ilang buhatan, mamahimo na nila kini nga sugdan karon pa lang.
Pahayag ni Atty. Katrina Estares, OIC-head sa Securities Exchange Commission (SEC) Davao.
