DAVAO CITY – Gi-awhag sa ahensiya sa Commission on Elections (COMELEC) ang katawhan nga pahimuslan ang ipahigayon nga mock election ugmang adlawa sa Sta. Ana elementary School aron nga masubay ang mga concern sa voting process partikular na sa persons with disability (PWD) ug aron mahatagan kini og solusyon.
Laraw sa mock election nga mapalambo pa ang electoral process sa COMELEC ilabi na sa national 2022 poll.
Sumala pa kang Krisna Samantha Caballero, COMELEC-Davao spokesperson, giimbitahan nila ang maximum nga 100 PWDs nga mopartisipar sa mock election.
Mahinungdanon sumala pa ang feedback sa mga nahisgutan aron nga masayod ang COMELEC kung asa nga parte sa proseso ang kinahanglan nila nga palambuon aron lamang komportable ang mga PWDs.
Sa milabay nga tuig, namatikdan sumala pa nga adunay ubos nga voting turnout hinungdan nga kini ang usa sa ilang palambuon pa.
