DAVAO CITY – Gisugdan na ang pagbansay sa mga bag-ong Police Auxiliary ning dakbayan nga magsilbing kaabag sa kapulisan sa pagpatuman sa kahusay ug kalinaw sa dakbayan.
Ubay-ubay ka mga bag-ong miyembro sa Police Auxiliary ang gipailalom sa pagbansay diin kalakip sa gitudlo kanila ang disiplina sa kaugalingon; self defense; warrantless arrest; bomb awareness and identification; balaod sa siyudad ug disaster management.
Mikabat sa kapin 1,310 ang quota nga gikinahanglan sa DCPO diin sa kasamtangan anaa na sa 1,200 ang anaa sa serbisyo nga gidestino sa nagkadaiyang estasyon sa kapulisan.
Una ng nasayran nga makadawat ang mga nahisgutan og P6,000 nga monthly honorarium ug usa ka sako nga bugas gikan sa lokal nga panggamhanan.
Una ng gibutyag ni Pol. Col. Kirby John Kraft, director sa DCPO nga dako ang matabang sa mga Police Auxiliary ilabi na sa mga lugar nga dili masulod sa kapulisan.
Pahayag ni Pol. Col. Kirby John Kraft, director sa DCPO.
