DAVAO CITY – Mamahimo sumala pa nga makabalik ang mga residente sa ilang unit sa Toledo building sa Magallanes Residences sa higayon nga ang structural engineers sa DMCI mohimo og mga corrective measures.
Una ng gibutyag ni Cirinia Grace Catubig, Office of the City Building Official (OCBO) head, nagdepende pa gihapon sa structural engineer sa Toledo kung unsa ang ilang himuon nga lakang sa mga kadaut nga naangkon sa gambalay human ang pagtay-og ayha sila tugtan nga makabalik sa ilang unit.
Kahinumduman nga ang Toledo Building sa Magallanes Residences ang gipailalom sa code red diin nagpasabot kini nga ang mga occupants kinahanglan nga bakantehon ang lugar alang sa ilang kaluwasan.
Gipahigayon ang inspeksiyon sa OCBO, City Engineer’s Office, Philippine Institute of Civil Engineers (PICE) Davao ingon man Association of Structural Engineers of the Philippines Davao.
Gitataw sa opisyal nga una ng gipailalom sa yellow tag ang gambalay human nga nasuta ang mga minor cracks atol sa inspeksiyon apan dihang subli kini nga gisubay, aduna sumala pay namatikdan ang mga structural engineers og mga major structural cracks sa mga poste niini.
