DAVAO CITY – Laraw karon sa konseho ning dakbayan sa Davao nga imbitahan ang mga personahe sa volcano monitoring department ilalom sa Philippine Volcanology and Seismology (PHILVOCS) aron mohatag og katin-awan kung unsa gayud ang tinuod nga sitwasyon sa Mt. Apo.
Tipik lamang kini human ang pagbusikad sa bulkang Taal hinungdan nga daghanan sab ang mibati og kabalaka kalabot sa Mt. Apo nga usa sab sa pinaka-aktibo nga bulkan sa nasud.
Kahinumduman nga sukad nahitabo ang sunod-sunod nga linog sa milabay nga tuig, daghanan sab ang mibati og kahadlok ilabi na kadtong nanimuyo duol sa tiilan sa bulkan tungod sa pagtuo nga matarug kini ug posibleng mobusikad.
Apan gitino sa PHIVOLCS nga walay angayan nga kahadlokan sa nahisgutan nga sitwasyon.
Sumala pa kang konsehal Nilo Abellera Sr., angayan nga mismong ang ahensiya sa PHIVOLCS ang muhatag niini og katin-aw aron adunay kasayuran ang katawhan kalabot sa sitwasyon niini sa kasamtangan.
