DAVAO CITY – Gibarugan ni Maris Sacristana nga gi-embargo o gikuhaan og susi ni Mandug Brgy. Kagawad Emen Ototan ang iyang igsuon nga 19 anyos nga igo lamang namasahero sa iyang tricycle.
Sumala pa kang Sacristana nga sukwahi sa pahayag sa kagawad, dili sumala pa rescue ang nahitabo inay gikuhaan niya og susi ang iyang igsuon ug gisibat ang tricycle niini.
Gani daghanan sumala pa ang nakakita dihang gihimo kini sa opisyal nga gikanayong hubog dihang nahitabo ang insidente.
Kahinumduman nga dili lamang kini ang reklamo sa ilang pamilya batok kang kagawad Emen Ototan gumikan kay una na sab nga nagpakitabang ang iyang igsuon nga si alyas Miles kang DILG Undersecretary for Barangay affairs Martin Diño gumikan kay nanghimas ug nanghagit sumala pa kini kaniya nga moadto sa downtown ug mosulod sa usa ka motel butang nga gipanghimakak usab sa kagawad.
Samtang sa kaso sa iyang igsoon nga si alyas Miles nga gikanayong gihimas sa kagawad, desidido sumala pa sila nga moduso og reklamo batok sa opisyal aron nga motagam kini.
Daghanan sumala pa ang nasayod sa ilang barangay sa batasan sa maong opisyal panahon nga mahubog na kini.
