DAVAO CITY- Usa ka negosyante ang nahumos human nga nahutdan og hangin ang iyang oxygen tank atol sa iyang pag dive taknang 6: 35 sa gabii kagahapon.
Giila ang negosyante nga si Lorynold Pangilinan Posesano, 40 anyos, minyo, negosyante ug residente sa Hillside Subdivision, Lanang ning dakbayan sa Davao ang nag-diving sa usa sa ka pribadong resort nga nahimutang sa Brgy. Aundano, Samal District, IGACOS kansa kuyog niini ang iyang upat ka kaubanan.
Samtang anaa sa ilawom sa tubig nga dunay giladmon nga 90 ft. ang nasangpit nga biktima ang misinyas pa sa iyang kamot nga pasaka samtang galangoy, diin gikuha niya ang oxygen regulator sa iyang kaubanan nga diver nga sila Ricky ug Racer Jay nga nakapaalarma kanila.
Gilayon nila nga gitabangan ang biktima ug gidala sa Davao del Sur Norte District Hospital-Samal Zone.
Apan gideklara nang dead on arrival si Posesano.
