DAVAO CITY – Gitino ni Carmelo Elaya, sa Overseas Worker Welfare Administration (OWWA) – 11 nga ang tanan nga mga Overseas Filipino Workers (OFWs) nga anaa karon sa Iraq ug Iran nga taga Davao region ang susama nga mga documented.
Hinuon wala gipadaplin sa opisyal ang posibilidad nga adunay mga dabawenyo nga mga undocumented sa nahisgutan nga mga nasod.
Samtang gipasalig sa opisyal nga andam na ang ilang mga contingency plan ingon man ang programa sa ahensiya nga Balik-Pilipinas, Balik-Hanapbuhay program nga dakong tabang sa mga OFWs nga buot ng mopapauli sa nasod ug wala nay plano nga mobalik ug trabaho sa abroad.
Nasayran sa opisyal nga adunay kinatibuk-ang 34 ka mga documented nga mga dabawenyo nga anaa sa nahisgutan nga mga nasod diin 24 niini ang sa Iraq samtang 10 ang sa Iran.
