DAVAO CITY- Angol ang usa ka lalaki human nga gi-unay kini og pagdunggab sa iyaha ra usab nga kainom alas 7:45 ang takna sa kagabhion kagahapong adlawa sa Brgy. Salvacion, Sto. Tomas, Davao del Norte.
Ang biktima nailhan nga si Roger Eluies, 40 anyos, minyo, laborer ug residente sa Purok Acasia Brgy. Talomo sa nahisgutang dapit samtang ang higala nga midunggab kaniya ang giila nga si Jumar Apordo, 32 anyos, ulitawo, laborer ug residente sa Purok 7, Brgy. Salvacion.
Subay sa imbestigasyon sa otoridad, nag-inom matud pa ang mga nahisgutan sa panimalay sa ilaha ra usab nga higala sa Brgy. Salvacion sa dihang nagkabikil ang duha.
Gumikan sa panagbingkil, gidunggab ni Apordo si Eluies gamit ang usa ka bladed weapon ug naigo kini sa wala nga bahin sa sa iyang kamot ug tuong bukton.
Human sa insidente, dali nga gidala ang bikitma sa Davao Regional Hospital, Apokon, Tagum City alang sa hinanaling medikal nga atensyon samtang ang suspek ang dali usab nga miikyas sa barangay Kinamayan bibit ang gigamit niini sa paghimo sa nahisgutang salaud.
