Gatusan ka mga pasahero sa Davao International airport stranded human nga gipangkansela ang flight

DAVAO CITY – Gatusan ka mga pasahero ang na-stranded sa Francisco Bangoy International Airport kagabii human nga gipangkansela ang ilang mga flights tungod sa pagbusikad sa bulkang Taal.

Sa gipagula nga pahayag sa pamunoan sa tugpahanan, tungod sumala pa sa volcanic ash nga hatud sa pagbusikad sa bulkan, gisuspende sa Civil Aviation Authority of the Philippines (CAAP) ang mga air activities sa Ninoy Aquino International Airport (NAIA).

Kalakip sa mga nakansela ang alas siete sa gabii nga flight hangtud alas onse sa gabii.

Kahinumduman nga gisuspende ang mga flight human nga anaa na matud pa sa 50,000 ft gikan sa surface level ang gibuga nga abo gikan sa bulkan.

Ang Mt. Taal ang giilang isa sa pinaka-aktibong bulkan sa nasud.