DAVAO CITY – Human ang pagtagbo sa bag-ong tuig, usa na sab sa mga gipangandaman karon sa mga simbahang katoliko mao ang pagpahigayon og Novena mass alang sa nagsingabot nga kasaulogan sa kapiyestahan sa itom nga Nazareno.
Sa kasamtangan, gisugdan na sa Our Lady of Peñafrancia sa Tigatto Buhangin ning siyudad ang ilang siyam ka adlaw nga Novena mass ayha ang gikatakdang kapiyestahan niini sa Enero 9.
Kahinumduman nga naandan na sa mga tumutuong katoliko ang pagpahigayon og prusisyon panahon sa kapiyestahan sa Black Nazarene dili lamang sa Quiapo sa Manila kung dili lakip na sa tibuok nasod.
Nanawagan na lamang karon ang simbahang katoliko nga angayan sumala pa nga hinumdumon ang mga nahimong sakripisyo sa labaw’ng makagagahom ilabi na nga ang gipas-an sumala pa nga krus niini nagsimbolo sa mga nahimong sala sa katawhan.
