-- ADVERTISEMENT --
DAVAO CITY – Nakadayeg ang Office of the Civil Defense (OCD) 11 sa nahimong lakang sa Department of Education (Deped) nga magpahigayon ug sinemana nga disaster drill sa tagsa-tagsa ka mga tulonghaan aron nga mas makapangandam ang mga estudyante panahon sa kalamidad.
Sumala pa kang Francis Irag, operation head sa OCD-11, nga nindot ang maong lakang sa DepEd aron nga magbaton ug dugang kasayuran ang mga bata kung unsa ang ilang mga angayan nga himuon.
Samtang gibutyag sab ni DepEd spokesperson Jenelito Dodong Atillo nga laoman sumala pa nga mapagula na sa mosunod nga semana ang memorandum kalabot sa weekly drill sa mga tulonghaan ning siyudad.
