DAVAO CITY – Gipalawman pa karon sa kapulisan ang pagpanubay aron nga masayran kung unsa ang motibo sa pagpatay sa usa ka magtutudlo sa Asuncion, Davao del Norte.
Una ng naila ang biktima nga si Joan Laruya, 38 anyos, magtutudlo sa Katipunan Elementary School.
Sa ulahing imbestigasyon sa kapulisan, samtang naghulat ang biktima sa gawas sa panimalay sa iyang kaubanan nga maestra sa Barangay Cambanogoy, Asuncion, Davao del Norte kalit sumala pa mga mibutho ang riding in tandem ug kalit nga gipusil ang biktima sa makadaghan nga higayon.
Nakaangkon ug daghanang samad pinusilan ang biktima nga maoy hinungdan sa iyang hinanaling kamatayon.
Nanawagan karon ug hustisya ang kaubanang magtutudlo ni Laruya nga giilang usa ka maayong tawo ug “one of the best teachers’ sa ilang tulonghaan.
Wala pay matudlo karon ang otoridad kung si kinsa ang mga posibleng mihimo sa maong krimen ug magpahigayon pa sab sila karon ug dugang imbestigasyon.
