-- ADVERTISEMENT --
DAVAO CITY – Anaa na karon sa 11,600 ka mga food packs ang gitunol sa Oplan Tabang sa lokal nga panggamhanan ngadto sa mga nahimong biktima sa kusog nga linog dinhi sa Mindanao.
Malampuson nga nahatud ang mga hinabang pinaagi sa tabang sa mga personahe gikan sa kapulisan, kasundalohan ug mga pribadong sektor.
Pipila sa mga lugar nga nahatagan ug hinabang ang gilangkuban sa Bansalan, Digos, M’lang sa Cotabato, Kidapawan, Makilala ug Magsaysay.
Napahimuslan sa mga biktima ang trapal, senina, habol, tubig ug tambal nga dakong tabang ilabi na nga kadaghanan sa mga nahisgutan ang nawad-an ug panimalay human nga sunod-sunod ang kusog nga pagtay-og.
