-- ADVERTISEMENT --
DAVAO CITY – Gawas sa mga sakop sa otoridad, alerto sab karon ang mga hospital sa dakbayan human nga gipailalom kini sa code white alert isip pagpangandam sa kalag-kalag.
Una ng gibutyag Department of Health (DOH) nga andam na ang ilang emergency teams alang sa medical nga panginahanglanon sa mga Filipino.
Gipahimangnoan sab sa ahensiya ang publiko ilabi na kadtong moadto sa mga sementeryo nga kinahanglan magdala ug tubig sanglit laoman sab ang init nga kahimtang sa panahon.
Gitambagan sab ang katawhan nga mas maayong dili na lamang ubanon ang mga bata ingon man senior citizen aron nga dili na malisdan pa sa pag-adto sa mga sam-ang ilabi na sa mga pampublikong sementeryo.
