Gi-andam na ang kasong kalapasan sa Republic Act 9165 kung Comprehensive Dangerous Drugs Act of 2002 batok sa duruha ka mga suspek nga nasikop human nga nakuhaan ug seize fifty-five (55) grams sa shabu ingon man drug paraphernalia.
Nagpabilin karon sa Buhangin PNP ang mga suspek nga nailang sila si SAYBIN ABUBAKAR MALA, alyas “Paolo” usa ka Street Level Target (SLT), 19 anyos, walay trabaho ug residente sa Brgy. Sugod, Marawi City ug JALANIE PANONDI PANGANIBAN alyas “Bryan”, Street Level Target (STL), 18 anyos, walay trabaho ug residente sa susama nga lugar.
Una nang nasayran nga miabot sa dakbayan sa Davao ang mga suspek gikan sa Marawi City diin ilang himuon ang ilang transaksiyon gikan sa C.P Garcia Highway, Buhangin paingon sa Magallanes Street particular kilid sa usa ka banko.
Atol sa transaksiyon, gitunol sa mga suspek ngadto sa poseur buyer ang pakete sa ginadili nga droga nga nagkantidad ug Php 60, 000. 00 hinungdan nga diretso kini nga gisikop sa otoridad. Narekober gikan sa mga suspek ang 10 ka pakete sa ginadili nga droga ug marked money.
Mobalor sumala pa ang nahisgutan nga droga ug 660,000.00. Sumala pa kang PBGen Marcelo C Morales, nga gikan ang mga suspek sa Marawi City ug gikonsidera ang mga nahisgutan nga drug couriers paingon dinhi sa siyudad.
Naghulat na lamang karon ang mga dinakpan sa mosunod nga kamandoan sa korte.
