DAVAO CITY – Misaka na matud pa sa “overwhelming” level ang gidaghanon sa coliform bacateria sa Davao River.
Sumala pa kang Konsehal Mary Joselle Villafuerte, misaka na ang level niini sa 920,000 ang ihap sa microorganism per 100 milliliter sa coliform sa Setyembre ning kasamtangan pinasikad sa data gikan sa Department of Environment and Natural Resources-Environmental Management Bureau (DENR-EMB).
Nagpasabot sumala pa kini nga ang nahisgutan nga ihap sa bacteria nga nakita sa tubig ang dili na luwas kung ma-inom.
Kini sumala pa ang rason nga kinahanglan i-undang na ang ipahigayon nga mga swimming competitions ug uban pang recreational activities sa Davao River.
Gikanayong sakop sa downstream portion sa sapa ang Waan Bridge sa Barangay Waan Buhangin District samtang sakop sa upstream area sa Davao River ang Mandug area ug Sitio Salab sa Barangay Malabang.
Una ng giduso ni Villafuerte ang “Zero Open Defecation” ordinance diin mandato ang tanan nga mga panimalay nga mogamit ug banyo nga adunay septic tank ug kinahanglan nga i-practice ang tukma nga paglabay sa hugaw.
