Davao City – Nagpahimangno si Department of Interior and Local Government (DILG) regional director Alex Roldan sa mga Local Government Unit (LGU) Officials nga wala mitamud sa kamandoan nga limpiyohan ang mga sidewalks batok sa mga illegal nga naninda nga manubag ang mga nahisgutan.
Sumala sa opisyal nga natapos na ang lugway nga ilang gihatag sa matag LGUs kaniadtong Setyembre 29 ug matapos sab ang ilang validation sa Oktubre 11.
Hinuon gitataw sa opisyal nga base sa ilang gipahigayon nga monitoring, kadaghanan sumala pa sa mga LGUs ang mitamud sa gipagulang kamandoan.
Dili sumala pa kalikayan nga adunay mga negosyante nga magmagahi apan dili kini rason aron nga dili motamud ang mga nahisgutan sanglit mamahimong dili na ma-renew ang ilang mga business permit kung dili motuman sa balaod.
