DAVAO CITY – Mihatag ug katin-awan ang ahensiya sa Department of Health (DOH) pinaagi ni Asst. Sec. Abdullah Dumama Jr. nga bisan misaka ang kaso sa Diphtheria sa nasod dili pa kini makonsidera nga adunay outbreak.
Sumala sa opisyal, nga angayan sumala pa nga pabakunahan sa mga inahan ang ilang anak ilabi na kadtong 5 anyos paubos aron nga ma-protekhan kini batok sa nahisgutan nga balatian.
Wala sab sumala pay angayan nga kabalak-an sanglit igo ang supply sa bakuna nga alang sa mga bata.
Nasayran sab kang Dumama nga sa sagad sumala pa sa mga namatay tunghod sa maong sakit mao kadtong mga bata nga wala nakapailalom sa vaccination.
Angayan sumala pa nga mangunay mismo ang mga ginikanan sa pagpabakuna sa ilang mga anak aron nga masigurong dili kini matakboyan sa susama nga balatian.
Una ng nasayran sa DOH nga sukad Enero hangtud Setyembre ning kasamtangan nga tuig, mikabat sa 176 ka kaso ang ilang natala ug anaa 40 ang namatay o mas taas sa 122 ka kaso ug 30 ang namatay sa susama nga panahon sa milabay nga tuig 2018.
