DAVAO CITY – Gitambagan ni Department of Interior and Local Government (DILG) regional director Alex Roldan ang mga nabiktima sa investment scams nga mas maayong moduso ug reklamo ug likayan ang pagmugna ug kagubot.
Tipik lamang ang pahayag sa opisyal human nga gitudlo sumala pa ang investment scams sa mga nahitabong kamatay sa Tagum City human nga ubay-ubay sa mga investors ang wala na nabawi ang ilang gi-invest sa kuwarta.
Mas maayo sumala pa nga isalig na lamang sa mga otoridad ang reklamo batok sa mga investment scam aron nga mahimoan gilayon kini ug aksiyon ug magukod ang mga mipaluyo niini.
Hinuon gi-angkon sa opisyal nga dili nila mapugngan ang mga tawo nga mo-invest ug kuwarta apan mas maayo sumala pa nga dili na magpa-ilad ilabi na nga daghanan na ang nabiktima niini.
