DAVAO CITY – Nanghinaut ang mga miyembro sa Federation of Fisherfolks Association of Davao City nga unta matabangan sila sa lokal nga panggamhanan ilabi na nga daghanan sumala pa sa mga mananagat sa dakbayan ang apektado sa kalamidad sama na lamang sa habagat.
Sumala pa kang Lorenzo Borja, Presidente sa asosasyon nga daghanan na sa ilang mga miyembro ang nawad-an ug panginabuhian hinungdan nga nanawagan sila sa kagamhanan nga hatagan sila ug alternatibong panginabuhian aron nga dili sila makulban ug kaldero.
Hinuon gibutyag ni Borja nga padayon nga gimonitor ang ilang kahimtang sa mga personahe sa City Agriculture’s Office (CAO) ingon man sa ahensiya sa Bureau of Fisheries and Aquatic Resources (BFAR) 11.
Nasayran sa nahisgutan nga anaa sa 8,000 ang mga miyembro sa ilang asosasyon diin kadaghanan niini nanginahanglan karon ug hinabang.
