DAVAO CITY – Daghanang sektor ang naka-uyon sa sugyot nga magpahimutang ug cubicle inspection alang sa mga kababaenhan dinhi sa dakbayan ilabi na kung adunay mga dagkong aktibidad nga ipahigayon.
Una ng gisugyot ni Public Safety and Security Command Center (PSSCC) head Angel Sumagaysay ang maong lakang aron nga malikayan ang insidente nga nahitabo sa Isulan Sulta Kudarat diin usa ka babaye nga nakasuot ug hijab ang nagdala ug bomba.
Apan gitino sa opisyal nga dili lamang kini alang sa mga babayeng Muslim kung dili lakip na sab ang mga kristiyano.
Sa higayon nga adunay mga aktibidad sama sa Ramadan, magpahimutang sa lugar ug close tent diin himuon ang pag-inspeksiyon.
Wala sab sumala pay angayan nga kabalak-an sanglit babaye ang mohimo sa maong lakang.
Sa kasamtangan, gihulat na lamang ang mamahimong tubag sa City Council kalabot sa maong sugyot.
