DAVAO CITY – Grabe nga gikasubo sa pamilya sa flight observer nga si Ryx Gil Laput ang gisangputan niini gumikan kay dili na matuman ang iyang pangandoy nga mamahimong usa ka piloto.
Kahinumduman nga kalakip si Laput sa mga namatay sa nahitabong plane crash sa Calamba Laguna usa ka semana ang milabay.
Sa kasamtangan, anaa sa usa ka punerarya na sa lungsod ang patay nga lawas sa 23 anyos nga biktima.
Nanawagan sab ang kabanay niini sa kompanya sa nahagsa nga eroplano nga tabangan sila sa pinansyal ug gi-awhag ang otoridad nga magpahigayon ug hinanali nga imbestigasyon.
Samantalang nagpagula sab ug pahayag ang amahan sa biktima nga si Armando Laput nga usa ka tuig niya nga wala nakita ang iyang anak gumikan kay nagtrabaho kini sa Nigeria isip usa ka inhinyero.
