DAVAO CITY – Anaa na sa maayong kahimtang apan padayon nga gi-obserbahan ang kahimtang sa duruha ka mga sundalo nga naangol atol sa nahitabong engkuwentro tali sa New People’s army o NPA sa Sityo Kabaihan, Brgy. Tibagon, Pantukan, Compostella Valley Province.
Una ng naila ang mga naangol nga sila si Private First Class Jason Ancajas ug Private John Rey Obang susama nga miyembro sa 71st IB.
Gikanayong nagpahigayon ug combat operation ang militar sa lugar dihang nahitabo ang bakbakan diin nakaatbang sa militar ang anaa sa 30 ka mga sakop sa NPA ilalom sa Guerilla Front 2, Sub Regional Command 2, Southern Mindanao Regional Comittee.
Milungtad og kapin kun kulang 25 minutos ang engkwentro nga miresulta nga hinungdan sa pag-angol sa duruha ka mga sundalo.
Sa kasamtangan anaa sa CAmp Panacan ang samaron nga mga militar.
Narekober sa encounter site ang duruha ka duyan, usa ka keypad mobile phones, 40 meter wire, circuit conduction tester ug usa ka sling bag.
Dali sab nga mi-atras ang mga rebelde paingon sa habagatang bahin sa Upper Lahi, Brgy. Magnaga, Pantukan, Compostella Valley.
