DAVAO CITY – Gipahigayon kagahapong adlawa ang send off ceremony sa kapulisan sa Davao City Police Office (DCPO) isip pagpangandam sa gikatakda nga pagbisita sa Presidente sa nasod Singapore dinhi sa dakbayan.
Gipangunahan ang aktibidad ni Pol. Col. Eden Ugali, deputy regional director for operation ingon man ni Pol. Col. Alexander Tagum , DCPO director.
Gikanayong mobisita sa dakbayan sa Singporean Pres. Halimah Yacob diin usa sa bisitahon niini ang Philippine eagle sa Malagos.
Mukabat sa kapin 1,000 ka mga kapulisan gikan sa nagkadaiyang unit sa otoridad ug kasundalohan ang ipakatag sa dakbayan aron nga masiguro ang seguridad.
Nasayran nga kabahin sab ang pagbisita sa pangulo sa singapore dinhi sa nasod ang pagsaulog sa ika-50 nga panaghigalaay sa duruha ka mga nasod.
Laoman nga mobisita sa siyudad si Pres. Yacob ugmang adlawa.
Samtang gibutyag sab ni Pol. Col. Eleseo Caburnay, officer in charge DCPO, nga mahinungdanon ang pagbisita sa Pangulong sa Singapore kini aron nga mapakita ang gipanghambog sa dakbayan nga pinakaluwas kita nga siyudad sa Asia ug dakong tabang sab kini alang sa potensiyal nga pagsulod sa nga investors.
