DAVAO CITY – Giduso karon sa lokal nga panggamhanan nga ideklara ang Agosto ug Oktubre isip immunization months aron nga mapalapdan pa ang coverage sa routine vaccination alang sa mga bata.
Una ng gilagdaan ni Acting Mayor Sebastian Duterte ang Executive Order No. 34 diin gi-promotar niini ang pagbakuna sa mga grades 1 hangtud 7 nga mga bata aron nga ma-protektahan ang mga nahisgutan batok sa bisan unsa man nga balatian sama sa measles- rubella, human papillovirus vaccine, ug tetanus diphtheria.
Sakop sa kamandoan ang tanan nga mga pampubliko ug pribadong tulonghaan sa tulo ka mga distrito ning siyudad.
Sakop sab niini ang cultural communities, indigenous peoples, tanan nga mga concerned private, non-government, ug civil organizations sa siyudad.
Manguna ang City Health Office sa kampanya pinaagi sa Expanded Immunization Program (EIP) sa ahensiya.
Ipatuman ang maong programa sa tabang sa mga public ug private schools, barangay units, non-government organizations, civil organizations, hospitals, ug uban pang partners nga sakop sa catchment areas.
