DAVAO CITY – Subling nagpahimangno ang ahensiya sa Securities and Exchange Commission (SEC) batok sa mga nagpakatag ug mga impormasyon nga mobalik na ang operasyon sa investment scheme nga Kabus Padatuon (KAPA).
Una ng gibutyag sa SEC nga walay kamatuoran ang mga mikatag nga impormasyon nga gi-asikado na sa KAPA ang mga dokumento aron nga makabalik na sila sa ilang operasyon.
Dili sab sumala pa tinuod nga mitugot na ang Bangko Sentral ng Pilipinas nga ipadayon ang ilang operasyon nga gikanayong usa ka matang sa pagpangilad.
Gibarugan sa SEC nga usa ka matang sa “Ponzi” scheme ang Kapa ug wala sumala pay kamatuoran nga modato ang mga kabus sa higayon nga mohatag sa ilang donasyon.
Dili sab sumala pa makapasalig ang SEC nga mabalik sa mga investors ang ilang mga kuwarta human nga nagpabilin pa ang freeze order nga gipangayo sa SEC ug Anti-Money Laundering Council ngadto sa Court of Appeals batok sa mga bank accounts ug ubang assets sa Kapa.
