DAVAO CITY – Dungan sa kasaulogan sa ika-13 nga anibersaryo sa 1001st infantry brigade sa Philippine Army, ilang gipasigarbo ang ilang mga napatuman nga programa nga nakatampo ug dako sa mga residente sa Compostela Valley ingon man sa lalawigan sa Davao del Norte.
Kalakip sa ilang gipasigarbo ang taas nga ihap sa mga misurender sukad Hulyo 2018 ngadto na sa Marso 2019.
Sa nahisgutan nga panahon, kapin 2,000 ka mga supporters ingon man miyembro sa NPA ang mitahan, 30 ka mga kampo ang nadiskobrehan ug anaa sa kapin 100 ka mga armas ug Improvised Explosive Device (IED) usab ang ilang narekober.
Kabahin sab sa ilang aktibidad ang paghatag ug pasidungog sa mga indibidwal nga nakatampo ug dako sa katilingban ug nahimong kaabag sa kasundalohan sa ilang gipatuman nga mga programa.
