-- ADVERTISEMENT --
DAVAO CITY – Usa ang patay human miulbo ang dakong sunog nga milamoy sa duha ka mga balay sa Purok Caimito, Mankilam, Tagum City, alas 3:30 ang takna kaganihang hapon.
Subay sa report sa otoridad, nagsugod ang kalayo sa kusina nga bahin sa panimalay nga gipanag-iyahan sa usa ka Boy Maduyag ug paspas nga mikaylap sa kasikbit nga balay nga gipanag-iyahan ni Romolo Carig nga kasamtangang girentahan ni Lito Laroa.
Gikaingong paspas nga mikuyanap ang kalayo gumikan gama lamang sa mga light materials ang maong mga panimalay.
Gumikan sa panghitabo, patay ang 6 anyos nga bata nga nailhang si Jaylord Maduyag.
Nasayran nga natulog ug nag-inusara lamang ang maong bata sa ilang panimalay sa dihang nahitabo ang pag-ulbo sa dakong kalayo.
-- ADVERTISEMENT --
