DAVAO CITY – Dakong tabang sumala pa sa dakbayan sa Davao sa higayon nga hingpit ng ipatuman ang pagtukod sa multi-million training institute sa Barangay Bago Oshiro, Tugbok District.
Gipaningkamutan na karon sa Office of Civil Defense (OCD)-Davao Region nga mahatagan ug katumanan ang maong plano ilabi na nga makatabang kini sa mga responders aron mas preperado sila sa higayon nga adunay masinatian nga kalamidad dinhi sa Mindanao ug aduna sab silay katakos nga maka-responde sa mga nasod nga sakop sa Southeast Asian isip kabahin sa Asean agreement.
Una ng gibutyag ni OCD-Davao information officer Leslie Francisco ang P50-million initial budget sa maong proyekto ang igahin sa ilang buhatan karong tuiga diin gamiton kini alang sa pagtukod sa gambalay.
Ipahimutang sumala pa kini sa Regional Government Center sa Barangay Bago Oshiro diin gihatagan ug luna ang OCD.
Sa kasamtangan, gi-proseso na nila ang mga dokumento atyah pagasugdan ang konstruksiyon.
Kabahin sa training institute ang dormitories diin mamahimong magpabilin ang mga partisipante kaysa sa mga hotel nga mas mahal ang gasto ilabi na sa bahin sa gobyerno.
