DAVAO CITY – Malampuson ang gipahigayon nga Indak-indak sa Kadalanan kagahapong adlawa dinhi sa dakbayan sa dabaw.
Ang Indak-indak ang usa sa pinaka-dakong highlight sa kasaulugan sa ika-34th Kadayawan festival karong tuiga.
Mismong si Davao city Police office Director Police Col Alexander Tagum ang nangunay sa pagdumala sa mga police nga gipakatag palibot sa dakbayan sa dabaw partikular na sa san pedro square diin gipahigayon ang final performance sa mga partisipante sa indak-indak ug nag-tapok ang mas bagang duot sa katawhan ug mga lokal nga opisyal sa dakbayan sa Dabaw.
Sumala pa ni Col. Tagum, wala silay gikatala nga mga dagkong krimin sukad kagahapon sa buntag atol sa pagsugod sa Indak-indak hangtud nga kini natapos.
Nagpasalamat usab kini sa publiko gumikan sa gipakitang pakig-alayon sa mga otoridad.
Wala usay nahimong problema ang DCPO ug ang Task force davao sa pagpatuman sa No back pack, ug no jacket policy sa syudad gumikan kay hugot kining gisuportahan sa tibuok katawhan.
Samtang, magpadayon lamang gihapon sumala pa ang pagpatuman ugb hugot nga segeridad sa tibuok dakbayan sa mosunod pang mga adlaw gumikan kay ipahigayon na usab sa sunod nga sabado ang pamulak sa Kadayawan.
