DAVAO CITY – Gihatagan ni Davao City Vice Mayor Sebastian “Baste” Duterte ug perfect 10 ang security measures sa siyudad atol sa kasaulogan sa 34th Kadayawan sa Dabaw.
Sumala sa Bise Mayor nga nagsilbing acting city mayor, wala nakatala ang organizers ug security forces ug mga untoward incident sukad gi-ablihan ang kapiyestahan kaniadtong Agosto 2.
Una ng gibutyag sa Public Safety and Security Command Center (PSSCC) sa milabay nga report nga adunay kinatibuk-ang 27,560 ka mga personahe gikan sa safety, security forces ug law enforcement agencies ang gipakatag sa siyudad aron magpatuman ug seguridad sa month-long celebration sa Kadayawan.
Kahinumduman nga una ng gideklara ang San Pedro Square isip “maximum security zone” area aron nga mapahugtan pa ang seguridad sa nahisgutan nga dapit.
Gikanayong ang polisiya sa “No Backpack Policy” ug “No Jacket Policy” ang istrikto nga gipatuman.
Samtang gikanayon sab ni Baste nga nag-enjoy siya sa iyang pagka-acting mayor human nga miduso ug medical leave si Mayor Sara Duterte-Carpio hangtud Setyembre.
Kini sab sumala pa ang unang higayon nga gisaulog niya ang kadayawan isip politiko ug executive head.
