STL hingpit na nga idili sa dakbayan sa Davao?

DAVAO CITY  –  Nagpalabang ug balaodnon ang Sangguniang Panglungsod sa Davao nga hingpit na nga nagdili sa Small Town Lottery (STL). 

Sumala pa kang Davao City Councilor Danny Dayanghirang, Chair sa Games and Amusement Committee sa 19^th City Council sa dakbayan isip suporta kini sa kampanya ni Pangulong Rodrigo Duterte nga putlon ang korapsyon sa kagamhanan.  

Wala pa gihapon gitugotan ni Pangulong Rodrigo Duterte nga ibalik ang operasyon sa STL gumikan kay nakita sa Malacañang ang kurapsyon niini, labi na ang dili tukma nga pag-remit sa kita sa kagamhanan mao nga suspendido pa gihapon ang STL sukad niadtong Hulyo 26.

Gimanduan sab sa Sangguniang Panglungsod ang Philippine Charity Sweepstakes Office (PCSO) nga mosumite ug record sa ilang operasyon.  

Tinguha niini nga masayran ang remittances sa STL alang sa lokal nga kagamhanan sa Davao.

‘Nakita namo nga this will not deter o dili ni makapaundang sa illegal gambling, in fact base sa report ang STL nahimo pa nga reserba sa last 2 or another kind of game.  Because of this the city of Davao are invoking its right to protect its inhabitants.’ Pahayag ni Davao City Councilor Danny Dayanghirang, chair sa Games and Amusement Committee sa Davao City Council.