DAVAO CITY – Sa higayon nga dili sumala pa magbag-o ang kahimtang sa Davao gulf tungod sa Habagat hangtud sa adlaw nga Sabado, posible sumala pa nga ilangan una ang pagpahigayon sa Dragon boat competition nga usa sa mga aktibidad sa Kadayawan festival.
Kinahanglan sumala pa nga ikonsidera ang kaluwasan sa mga entrante ilabi na nga laoman pa gihapon ang dagkong mga balod sa mosunod nga mga adlaw.
Una ng nasayran sa City Tourism Operation Office (CTOO) nga mukabat sa kapin 700 paddlers ang musalmot sa ipahigayon nga dragon boat o mas taas kini kung itandi sa milabay nga tuig.
Samtang gipasalig sa mga entrante nga madayon man o isibog ang kompetisyon, kinahanglan pa gihapon nila nga mangandam.
Una ng gibutyag ni Commander Garry Laynesa sa Philippine Coast Guard (PCG) Davao station nga kung walay kabag-ohan sa nasinatian nga habagat sa siyudad, ilang i-rekomenda nga i-reschedule na lamang sa lain nga adlaw ang nahisgutan nga kompetisyon.
