DAVAO CITY – Aduna nay nahipus nga impormasyon ang Davao City Police Office (DCPO) batok sa suspek nga mipaluyo sa accounting fresh graduate sa milabay nga semana.
Sumala pa kang DCPO spokesperson Police Captain Ma. Teresita Gaspan, miadto ang mga sakop sa kapulisan sa Jose Abad Santos, Davao Occidental aron subayon ang posibleng lokasyon nga gitagoan sa suspetsado.
Nakiglambigit na sba sila karon sa Jose Abad Santos Municipal Police Station alang sa posibleng pagsikop niini.
Kahinumduman nga namatikdan na lamang nga walay kinabuhi ang biktima nga nailang si Rachelle Panio, 21 anyos, sulod sa lawas niini sa Barangay 76-A, Bucana, Davao City.
Una ng gituohan nga naghikog ang biktima apan pinasikad sa imbestigasyon sa Scene of the Crime Operatives (Soco) nasayran nga nakaangkon kini ug trauma sa iyang atol sa gipahigayon nga otopsiya sa lawas niini nga usa ka timailhan nga adunay mibunal kaniya.
Gitataw n Gaspan nga pakyas sumala pa ang kapulisan sa pagsikop sa suspek gumikan kay nahimutang sa hilit nga dapit ang gitagoan niini ug nahadlok sab sumala pa ang inahan sa suspek nga itahan ang iyang anak tungod sa posibleng mahitabo kaniya.
Nakiglambigit na sba karon ang DCPO sa local government officials sa Jose Abad Santos nga mipasalig nga gukdon ang suspek ug kumbinsihon kini nga motahan aron nga masirad-an na ang kaso.
Positibo sab sumala pa sila sa suspek sanglit wala na kini igkita dihang nahitabo ang insidente. Gikanayong robbery ang posibleng motibo sa krimen.
