DAVAO CITY – Nanawagan ang ahensiya sa City Tourism Operation Office ngadto sa publiko nga makighiusa sa ipahigayon nga opening sa Kadayawan Festival karong adlaw nga Biyernes, Agosto 2 sa alas kuwatro sa hapon sa Magsaysay Park ning siyudad.
Una ng gibutyag ni Generose Tecson, head sa CTOO nga andam na ang lokal nga panggamhanan sa ipahigayon nga mga aktibidad sa Kadayawan.
Gani nakapahimutang na sab sila ug mga dekorasyon sa siyudad ingon man atubangan sa City Hall. Atol sa opening sa kapiyestahan, highlight sumala pa niini mga sayaw sa mga onse ka tribu sa siyudad.
Kabahin sab sa opening ang mga tribal village diin mas gipanindot kini karong panahona ilabi na nga usa sab kini sa mga sagad bisitahon sa mga bisita atol sa Kadayawan.
Laoman sab ang bastante nga supply sa durian ug mangosteen sa siyudad atol mismo sa kapiyestahan
