DAVAO CITY – Patay ang duha mga tawo sa managlahi nga panagbangga sa duha ka mga sakyanan nga gilakipan sa motorsiklo ug sa usa ka Toyota Vios Taxi sa Diversion road, ning dakbayan sa Davao.
Nasayran nga alas 6:20 ang takna sa kagabhi-on dihang nahitabo ang panagbangga diin patay ang driver sa motorsiklo Algie Dayanan Avila nga gikan sa Buhangin ug padulong unta sa Ulas, ning dakbayan, samtang ang taxi gikan Matina ug padulong sa Buhangin, ning dakbayan, apan paghi-abot sa diversion road mikawat ug linya ang motorsiklo hinongdan nga gikabangga niini ang Vios.
Maayong pagkalagpot sa motorsik ug sa driver niini nga si Algie Dayanan Avilla nga nakahi-agum ug grabe nga mga samad ug bun-og sa kalawasan.
Dali kini nga gidala sa Southern Philippines Medical Center (SPMC) apan sa pagka-alas 8:00 ang takna sa kagabhi-on gi-deklara nga patay ang nahisgutan nga biktima, samtang ang driver sa taxi nga usa ka Rosito Menosa Samson, 56 anyos, gikustodiya karon sa Talomo Police Station.
Samtang alas 10:00 ang takna sa kagabhi-on patay sab ang usa ka back rider sa usa ka motorsiklo human ikabangga sa wing van sa Bago Gallera, ning dakbayan sa Davao.
Nasayran nga ang biktima nga naila nga usa ka Ludy Mae Lechedo Canyones, residente sa Bago Gallera, ning dakbayan sa Davao ug Supervisor sa Unitap Shopping Mall, nga nahimutang sa San Pedro St., ning dakbayan sa Davao nga angkas sa motorsiklo ug kauban niini mao si Glen Batingal nga residente sa Buhangin.
Subay sa impormasyon ang motorsiklo nasundan sa trak nga wing van ug paghi-abot sa Bago Gallera, mimenor ang motorsiklo ug tinguha nga magpa-gasolina sa Gasoline Station Station, apan nabanggaan sa naghaguros nga wing van ug nabanggaan niini ang motorsiklo ug nadaro ug mga baynte metros hinongdan nga nakahi-agum ug grabe nga mga samad, bali ug bun-og sa kalawasan ug gisulayan pa ug luwas ang angkas, apan gi-deklara nga dead on arrival sa Southern Philippines Medical Center (SPMC).
Ang driver sa wing van nga si Rene Quigod Baguio nagpabilin sa Talomo Police Station ug gihikay na ang kaso nga reckless imprudence resulting to homicide and damage to property batok ngadto sa mga driver.
