DAVAO CITY – Dungan sa nagkaduol nga month-long 34th Kadayawan sa Dabaw, gibutyag sa Davao City Police Office (DCPO) nga ilang ipabilin ang pagpatuman ug full alert status sa siyudad sa tibuok bulan sa Agosto aron nga masiuro ang kaluwasan ug seguridad sa publiko.
Una ng gibutyag ni DCPO spokesperson Police Captain Maria Teresita Gaspan nga kapin 3,000 ang ilang ipakatag atol sa kapisyestahan nga gilangkuban sa augmentation sa 200 uniformed personnel gikan sa Police Regional Office (PRO)-Davao ug dugang kapulisan gikan sa nagkadaiyang probinsiya sa rehiyon.
Sa pagtapos sa bulan sa Hulyo, ipakatag gilayon nila ang mga personahe sa nagkadaiyang areas sama sa terminals, malls, public markets, ug daghanan pa.
Sa kasamtangan, gihan-ay na lamang nila ang security plan kaabag ang local government unit (LGU) ingon man sa mga organizers sa aktibidad.
Sa kasamtangan, gisugdan na matud pa ang pagpatuman sa “No Jacket” policy sa tri-border sa siyudad sama sa Lasang, Toril ug Calinan ug uban pang mga AFP-PNP checkpoint.
