Lola patay human nag-inusarang mitabok sa tulay

DAVAO CITY  –  Patay gilayon ang usa ka lola human kini mahulog sa tulay sa Mahayahay, Quines, Barangay 74-A, Matina Crossing, Davao City kagahapon sa buntag.

Ang biktima giila sa Talomo Police Station nga usa ka Catalina Bayugan, 80-anyos, taga Upper, Matina Crossing ning dakbayan.  

Sumala pa ni Jake Balauro ang naka kita sa lawas sa biktima nga una nilang nadunggan ang lagubo gikan sa tulay ug sa ilang pagsuta didto na nakita ang lola sa ubos.

Sa pag-imbestiga nasayran nga nagbaklay ang biktima sa dihang nahagbong ug miigo ang ulo niini miigo sa semento rason sa iyang hinanaling kamatayon.

Nasayran sab sa kapolisan nga walay foul play ang hitabo diin gidala na lamang sa purenarya ang lawas sa lola.