DAVAO CITY – Gipasalig sa Department of Agriculture (DA)-11 nga ilang tabangan ang mga mag-uuma ug saging nga apektado ang ilang pananom sa milabay nga hulaw.
Kahinumduman nga una ng gibutyag sa Pilipino Banana Growers and Exporters Association (PBGEA) nga miubos sa 8 percent ang exported banana sa rehiyon sukad Enero hantud Abril ning tuig kasamtangan nga anaa sa 48,000 metric tons lamang kung itandi sa 522,000 metric tons sa milabay nga tuig sa susama nga panahon.
Tungod niini, misaka sab ang presyo sa saging gumikan sa pag-ubos sa produksiyon. Mukabat sab sa 15,000 ka mga mag-uuma sa pag-igo sa El niño sa rehiyon.
Hinuon gibutyag ni Arlene Segiro, sa Department of Agriculture (DA) 11 nga padayon ang paghatag nila ug ayuda aron nga magpadayon ang panginabuhian sa mga nahisgutan ug magbaton sila ug igong income.
