DAVAO CITY – Andam na ang tanan alang sa kasaulogan sa ‘Kadayawan Sa Dabaw’ karong tuiga kini ang gihatagan ug katin-awan atubangan sa mga sakop sa media sa usa ka hotel, ning dakbayan.
Sumala pa kang Mayor Inday mahinongdanon ang nahimong papel sa mga tigbalita sulod na sa taas-taas nga panahon kalabot sa kasaulogan sa Kadayawan Sa Dabaw 2019 karong bulan sa Augusto.
Daku ang papel sa mga tigbalita sa pagpakaylap sa mga balita ug impormasyon kalabot sa nahisgutan nga tinuig nga kasaulogan.
Atol sa nagsingabot nga 34th Kadayawan Sa Dabaw 2019 Festival gidasig ni Mayor Inday ang tanan nga mga taga-Davao nga mosalmot.
Sumala kang Mayor Inday ang tinuig nga kasaulogan pagseguro lamang nga dili mahikalimot ang mga taga-Davao sa ilang gigikanan ug ang mga panalangin nga ilang nadawat gikan niini.
