Japanese vessel pasidunggan sa pagluwas sa upat ka mga pinoy nga mananagat

DAVAO CITY  –  Gikatakda nga pasidunggan ang usa ka Japanese Vessel M/V Pioneer nga nakahimo sa pagluwas sa upat ka mga managat nga naabtan na nagpalutaw-lutaw sa kadagatan sa Governor Generoso, Davao Oriental.

Naila ang mga biktima nga sila si Devino Danda, Boyet Bangcas, Manolito Danse ug usa ka menor de edad nga apo ni Devino. 

Nasayran nga lima ka adlaw na nga nagpa-utaw-utaw sa kadagatan ang mga biktima human gihapak sa dagko nga balud ang ilang bangka. 

Nakaplagan ang mga biktima mga 80 ka nautical miles sa sidlakan nga bahin sa Cape San Augustine, sa Governor Generoso. 

Mitabang sab dayon sa mga mananagat sa Department of Social Welfare and Development sa paghatag ug financial assistance.