DAVAO CITY – Gipasalig sa ahensiya sa Department of Trade and Industry (DTI) 11 nga magpadayon ang ilang pagmonitor sa mga establisyemento dinhi sa Davao region nga namaligya ug steel bar kini aron masiguro nga dili mga substandard ang baligya nga mga bakal sa mga nahisgutan nga delikado kung gamiton sa pagtukod ug mga gambalay.
Kahinumduman nga gipangunahan mismo ni Czar Raul Bulaclac sa DTI 11 ang pagtimbang sa mga gibaligya nga steel bar sa usa ka hardware sa Mintal ning dakbayan kini aron masiguro nga dili kini substandard base sa ilang gibug-aton.
Gipasalig sa ahensiya nga kung mapamatud-an nga nagabaligya ang mga hardware ug dili lig-on nga mga bakal nga sagad gamiton sa konstruksiyon, ila kining isyuhan ug notice of violation ug hayan nga mapahamtangan kini ug bug-at nga silot.
